చిత్రం చెప్పే విశేషాలు..!
(23-12-2022/2)
కొంతకాలంగా అనారోగ్యంతో బాధపడుతున్న ప్రముఖ సినీనటుడు కైకాల సత్యనారాయణ శుక్రవారం ఉదయం ఫిల్మ్‌నగర్‌లోని తన నివాసంలో తుదిశ్వాస విడిచారు. ఈ నేపథ్యంలో సీఎం కేసీఆర్‌, సినీ.. రాజకీయ ప్రముఖులు ఆయన పార్థివ దేహానికి నివాళి అర్పించారు.
Source: Eenadu
విజయవాడలో నిర్వహించిన హైలైఫ్‌ బ్రైడ్స్‌ ఎగ్జిబిషన్‌లో ‘మిస్‌ ఇండియా ఆంధ్రప్రదేశ్‌ 2022’ సాయిలిఖిత యలమంచిలి పాల్గొన్నారు. ఈ సందర్భంగా ఆమె ఫొటోలకు పోజులిస్తూ సందడి చేశారు.
Source: Eenadu
తిరుమల రెండో ఘాట్ రోడ్డులోని వినాయకుడి గుడి వద్ద చిరుత పిల్ల మృతి చెందింది. రోడ్డు దాటుతుండగా గుర్తుతెలియని వాహనం ఢీకొట్టడంతో ఈ ప్రమాదం జరిగింది. చిరుత పిల్ల మృతదేహాన్ని జూపార్కుకు తరలించి పోస్టుమార్టం చేశారు.
Source: Eenadu
ఫ్లోరిడాలోని నేషనల్‌ మెరైన్‌ సాంక్చువరీలో డైవ్‌ ఇన్‌స్ట్రక్టర్‌ డిల్లన్‌ మెక్‌ గవర్న్‌ నీటి అడుగున శాంటాక్లాజ్‌ వేషధారణలో స్కూబా డైవింగ్‌ చేస్తూ ఫొటోలు చిత్రీకరించారు. స్థానికంగా ఉన్న పిల్లల ఛారిటీకి నగదు సమకూర్చేందుకు ఆయన ఈ ప్రయత్నం చేశారు.
Source: Eenadu
మంత్రి కేటీఆర్‌ జిమ్‌లో తీవ్రంగా కసరత్తులు చేస్తున్న ఫొటోను ట్విటర్‌ ఖాతాలో పంచుకున్నారు.
Source: Eenadu
హరియాణాలో సాగుతున్న భారత్‌ జోడో యాత్రలో కరుణానిధి కుమార్తె, డీఎంకే నేత కనిమొళి పాల్గొన్నారు. రాహుల్‌గాంధీకి సంఘీభావం తెలిపి ఆయన వెంట నడిచారు.
Source: Eenadu
భద్రాచలం సీతారామచంద్రస్వామి దేవస్థానంలో ముక్కోటి ఏకాదశి ఉత్సవాలు నిర్వహిస్తున్నారు. ఇందులో భాగంగా తొలి రోజు శుక్రవారం స్వామివారు మత్స్యావతారంలో భక్తులకు దర్శనమిచ్చారు.
Source: Eenadu
గోషామహల్‌లోని చాక్నవాడిలో పెద్ద నాలా కుంగిపోయింది. దీంతో నాలాపై ఉన్న కార్లు, ఆటోలు, ద్విచక్రవాహనాలు ధ్వంసం అయ్యాయి. శుక్రవారం కావడంతో బస్తీలో ఏర్పాటు చేసిన సంతలో కూరగాయల దుకాణాలు నాలాలో పడిపోవడంతో పలువురికి గాయాలయ్యాయి.
Source: Eenadu