చిత్రం చెప్పే విశేషాలు!
(08-01-2023/2)
హైదరాబాద్‌లోని హైటెక్స్‌లో ఫుడ్ ఫెస్టివల్ నిర్వహించారు. ఇందులో భాగంగా దేశవ్యాప్తంగా వివిధ ప్రముఖ ఆహార ఉత్పత్తుల సంస్థలు తమ స్టాల్స్‌ను ఏర్పాటు చేశాయి. కార్యక్రమానికి దేశ విదేశాల నుంచి ప్రతినిధులు, సందర్శకులు హాజరయ్యారు.
Source: Eenadu
హైదరాబాద్‌లోని దోమలగూడ ఏవీ కళాశాలలో ప్రపంచ తెలుగు సమాఖ్య ఆధ్వర్యంలో సంక్రాంతి సంబరాలు నిర్వహించారు. విద్యార్థినులు బసవన్నతో సెల్ఫీలు దిగి, ముగ్గులు వేసి సందడి చేశారు.
Source: Eenadu
కిరణ్‌ అబ్బవరం హీరోగా మురళీ కిషోర్‌ అబ్బూరు దర్శకత్వంలో తెరకెక్కుతున్న సినిమా ‘వినరో భాగ్యము విష్ణు కథ’. ఈ సినిమా టీజర్‌ను సోమవారం ఉదయం 10.15గంటలకు విడుదల చేస్తున్నట్లు చిత్రబృందం తెలిపింది.
Source: Eenadu
సినీనటుడు రామ్‌ పోతినేని తనకు కుమారుడి వరసయ్యే చిన్నారి సిద్ధార్థ్‌ పోతినేనితో దిగిన ఫొటోను ట్విటర్‌ ఖాతాలో పంచుకున్నారు. ‘ఎందుకంటే ఇది సన్‌(కుమారుడి)డే’ అని తెలుపుతూ ఫన్నీగా పోస్టు పెట్టారు.
Source: Eenadu
చిరంజీవి ‘వాల్తేరు వీరయ్య’ ప్రీ రిలీజ్‌ ఈవెంట్ ఆదివారం సాయంత్రం విశాఖలోని ఏయూ మైదానంలో నిర్వహించారు. ఈ సందర్భంగా చిరంజీవి భారీ కటౌట్‌లను ఏర్పాటు చేసి ఫ్యాన్స్‌ తమ అభిమానాన్ని చాటుకున్నారు.
Source: Eenadu
హైదరాబాద్ షేక్‌పేటలోని జి.నారాయణమ్మ మహిళా ఇంజినీరింగ్‌ కళాశాల మైదానంలో యూత్‌ ఫర్‌ సేవా ఆధ్వర్యంలో ‘చిగురు’ వేడుకను నిర్వహించారు. ఇందులో భాగంగా చిన్నారులకు చిత్రలేఖనం, రంగోలి, నృత్యం తదితర పోటీలు నిర్వహించారు.
Source: Eenadu
అర్జెంటీనా ఫుట్‌బాల్‌ జట్టు కెప్టెన్‌ మెస్సీ ఆ దేశ క్రీడాకారులు, ఫిఫా ప్రపంచకప్‌ ట్రోఫీతో కలిసి దిగిన ఫొటోలను ఇన్‌స్టా ఖాతాలో పంచుకున్నారు. ‘అద్భుతాలు జరగవని వాళ్లు నాకు ఎలా చెప్పగలరు?’ అని తెలుపుతూ పోస్టు పెట్టారు.
Source: Eenadu
హైదరాబాద్‌లోని పీపుల్స్‌ప్లాజాలో నిర్వహిస్తున్న పెట్‌ కార్నివాల్‌ ఆదివారం చివరి రోజుకు చేరుకుంది. కార్యక్రమానికి నగరవాసులు తమ పెంపుడు జంతువులు, పక్షులతో ఉత్సాహంగా హాజరయ్యారు. ఈక్రమంలో ఓ మహిళ పెంపుడు పామును ముద్దు చేస్తూ సందడి చేశారు.
Source: Eenadu
ఆదివారం సెలవుదినం కావడంతో యాదాద్రి లక్ష్మీనరసింహస్వామి ఆలయానికి భక్తులు పెద్దఎత్తున తరలివచ్చారు. దీంతో ఆలయ పరిసరాల్లో సందడి నెలకొంది.
Source: Eenadu
హైదరాబాద్‌లోని కిమ్స్ ఆసుపత్రిలో వినికిడి లోపం ఉన్న చిన్నారులకు కల్చరల్‌ ఫెస్టివల్ నిర్వహించారు. ఈ సందర్భంగా పిల్లలు విభిన్న వేషధారణలతో హాజరై సందడి చేశారు. కార్యక్రమంలో సినీనటుడు నాగచైతన్య పాల్గొని చిన్నారులతో కలిసి సందడి చేశారు.
Source: Eenadu