చిత్రం చెప్పే విశేషాలు..! (27-09-2022/2)
తిరుపతి నగరంలోని అలిపిరి వద్ద పర్యావరణహిత విద్యుత్ బస్సులను సీఎం జగన్‌మోహన్‌రెడ్డి జెండా ఊపి ప్రారంభించారు. తిరుమల శ్రీవారి బ్రహ్మోత్సవాల నేపథ్యంలో తొలుత 10 ఈ-బస్సు సర్వీసులను ఆర్టీసీ ప్రవేశపెట్టింది.
Image:Eenadu
హైదరాబాద్‌లోని కవాడిగూడలో నూతనంగా ప్రారంభించిన ఓ ఐస్‌క్రీం పార్లర్‌ వద్ద సందడి చేస్తున్న మోడళ్లు హైదరాబాద్‌లోని కవాడిగూడలో నూతనంగా ప్రారంభించిన ఓ ఐస్‌క్రీం పార్లర్‌ వద్ద సందడి చేస్తున్న మోడళ్లు
Image:Eenadu
హైదరాబాద్‌ బంజారాహిల్స్‌లో నిర్వహించిన హైలైఫ్‌ ఎగ్జిబిషన్‌ తేదీల ప్రకటన కార్యక్రమంలో నటి రాశీ సింగ్‌ పాల్గొన్నారు. ఈ సందర్భంగా ఆమె దాండియా ఆడారు. మోడళ్లతో కలిసి ఫొటోలకు పోజులిస్తూ సందడి చేశారు.
Image:Eenadu
హైదరాబాద్‌లోని తెలంగాణ భవన్‌లో బతుకమ్మ సంబురాలు ఘనంగా నిర్వహించారు. మంత్రి సత్యవతి రాథోడ్‌, ఎమ్మెల్యే పద్మా దేవేందర్‌రెడ్డి, ఎమ్మెల్సీ కవిత, మేయర్‌ గద్వాల విజయలక్ష్మి తదితర మహిళా నేతలు ఈ కార్యక్రమంలో పాల్గొన్నారు. బతుకమ్మ పాటలు పాడుతూ సందడి చేశారు.
Image:Eenadu
తిరుమల శ్రీవారి సాలకట్ల బ్రహ్మోత్సవాల నేపథ్యంలో కల్యాణవేదిక వద్ద తిరుమల విశిష్టతను తెలిపే ప్రదర్శనశాలలు ఏర్పాటు చేశారు. తితిదే ఛైర్మన్‌ వైవీ సుబ్బారెడ్డి, ఈవో ఏవీ ధర్మారెడ్డి వీటిని ప్రారంభించారు. భక్తులు ఈ ఏర్పాట్లను తప్పకుండా తిలకించాలని ఛైర్మన్‌ కోరారు.
Image:Eenadu
ఆచార్య కొండా లక్ష్మణ్‌ బాపూజీ జయంతి సందర్భంగా ట్యాంక్‌బండ్‌ జలదృశ్యం వద్ద ఏర్పాటు చేసిన ఆయన విగ్రహావిష్కరణ కార్యక్రమంలో పాల్గొన్న మంత్రులు కేటీఆర్‌, గంగుల కమలాకర్‌, తలసాని శ్రీనివాస్‌ యాదవ్‌ తదితరులు
Image:Eenadu
దసరా ఉత్సవాలలో రెండో రోజు మంగళవారం విజయవాడ ఇంద్రకీలాద్రిపై కొలువైన దుర్గమ్మ బాలాత్రిపుర సుందరీదేవిగా దర్శనమిచ్చింది. భక్తులు పెద్దఎత్తున తరలివచ్చి అమ్మవారిని దర్శించుకున్నారు. బాలా త్రిపురసుందరీదేవిని దర్శించుకుంటే పూర్ణఫలం దక్కుతుందనేది భక్తుల విశ్వాసం.
Image:Eenadu
రాజధాని హైదరాబాద్‌లో మరోసారి వర్షం మొదలైంది. దీంతో ప్రధాన రోడ్లపై ప్రయాణిస్తున్న వాహనదారులు ఇబ్బందులు ఎదుర్కొంటున్నారు. నాలాలు, డ్రెయిన్లు పొంగే అవకాశం ఉన్నందున ప్రజలు అప్రమత్తంగా వ్యవహరించాలని ట్రాఫిక్‌ పోలీసులు సూచించారు.
Image:Eenadu