చిత్రం చెప్పే విశేషాలు!
(26-11-2022/2)
విజయవాడలోని తుమ్మలపల్లి కళాక్షేత్రంలో రాజ్యాంగ దినోత్సవ వేడుకలు నిర్వహించారు. కార్యక్రమంలో ముఖ్యమంత్రి జగన్‌మోహన్‌రెడ్డి, గవర్నర్‌ బిశ్వభూషణ్‌ హరిచందన్‌ పాల్గొని అంబేడ్కర్‌ చిత్రపటానికి నివాళి అర్పించారు.
source:Eenadu
రాజ్యాంగ దినోత్సవం సందర్భంగా అంబేడ్కర్‌ చిత్రపటానికి పూలమాల వేసి నివాళి అర్పిస్తున్న తెదేపా అధినేత చంద్రబాబు నాయుడు.
source:Eenadu
రెండో ఆడిట్‌ దివస్‌ సందర్భంగా పలువురు ఉద్యోగులు హైదరాబాద్‌లోని ఏజీ కార్యాలయం నుంచి ఎన్టీఆర్‌ మార్గం వరకు వాకథాన్ నిర్వహించారు. ఈ సందర్భంగా వారు బెలూన్లు ఎగురవేసి సంబరం వ్యక్తం చేశారు.
source:Eenadu
కార్తిక బ్రహ్మోత్సవాల్లో భాగంగా తిరుచానూరు పద్మావతి అమ్మవారు శనివారం ఉదయం సూర్యనారాయణ స్వామివారి అలంకారంలో సూర్యప్రభ వాహనంపై భక్తులకు దర్శనమిచ్చారు. మంగళవాయిద్యాలు, భక్తుల కోలాటాల నడుమ అమ్మవారు ఆలయ నాలుగు మాడ వీధుల్లో భక్తులకు అభయమిచ్చారు.
source:Eenadu
శ్రీహరికోటలోని సతీష్‌ ధావన్‌ స్పేస్‌ సెంటర్‌ నుంచి ప్రయోగించిన పోలార్‌ శాటిలైట్‌ లాంచ్‌ వెహికల్‌ (పీఎస్‌ఎల్‌వీ)-సి54 రాకెట్ ప్రయోగం విజయవంతమైంది. పీఎస్‌ఎల్‌వీ సీ-54 రాకెట్ ద్వారా 9 ఉపగ్రహాలను కక్ష్యలోకి పంపించారు.
source:Eenadu
కాంగ్రెస్‌ చేపట్టిన భారత్‌జోడో యాత్ర మధ్యప్రదేశ్‌లో కొనసాగుతోంది. రాహుల్‌ గాంధీతో కలిసి ఆయన సోదరి ప్రియాంక గాంధీ యాత్రలో పాల్గొన్నారు. ఈ సందర్భంగా వారిద్దరు ఇలా ఆత్మీయ ఆలింగనం చేసుకున్నారు.
source:Eenadu
రాజ్యాంగ దినోత్సవం సందర్భంగా కాంగ్రెస్‌ నేత వి.హనుమంతరావు ట్యాంక్‌బండ్‌పై అంబేడ్కర్‌ విగ్రహానికి పూలమాలలు వేసి నివాళి అర్పించారు.
source:Eenadu
మంచిర్యాల జిల్లా జన్నారం సమీపంలోని వాగులో పెద్దఎత్తున కొంగలు, నీటి బాతుల గుంపు పోటీ పడుతూ చేపలను వేటాడాయి. ఈ గుంపులో కొన్ని.. చిన్న చేపలను నోట కరుచుకొని ఎగిరిపోతుంటే.. మరికొన్ని అక్కడే గుటుక్కుమన్నాయి.
source:Eenadu
అర్జెంటీనాలోని ఒబిలిస్క్‌ టవర్‌పై ఆ దేశ ఫుట్‌బాల్‌ క్రీడాకారుడు మెస్సీ చిత్రాన్ని ప్రదర్శించారు. ఫిఫా వరల్డ్‌కప్‌ పోటీల్లో భాగంగా ఈరోజు అర్ధరాత్రి అర్జెంటీనా జట్టు మెక్సికోతో తలపడనున్న నేపథ్యంలో ఈ కార్యక్రమం చేపట్టారు.
source:Eenadu
క్యూబాలోని హవానా యూనివర్సిటీలో ఫిడెల్‌ కాస్ట్రో వర్ధంతి సందర్భంగా విద్యార్థులంతా కలిసి నివాళి అర్పించారు. ఫిడెల్‌ కాస్ట్రో 2016 నవంబర్‌ 25న 90ఏళ్ల వయసులో మృతిచెందారు.
source:Eenadu
హైదరాబాద్‌ సంతోష్‌నగర్‌లోని సాన్వి డిగ్రీ కళాశాలలో ఫ్రెషర్స్‌ డే వేడుకను ఘనంగా నిర్వహించారు. ఈ సందర్భంగా పలువురు విద్యార్థినులు నృత్య, సాంస్కృతిక ప్రదర్శనలతో ఆకట్టుకున్నారు.
source:Eenadu