చిత్రం చెప్పే విశేషాలు..!(11-12-2022/2)
ప్రధానమంత్రి నరేంద్రమోదీ మహారాష్ట్రలో పర్యటిస్తున్నారు. ఈ సందర్భంగా నాగ్‌పూర్‌లో నూతన మెట్రో సేవలను ప్రారంభించారు. అనంతరం స్వయంగా టికెట్‌ కొనుగోలు చేసి ఫ్రీడం పార్క్‌ స్టేషన్‌ నుంచి ఖాప్రి స్టేషన్‌ వరకు మెట్రో రైలులో ప్రయాణిస్తూ సామాన్యులు, విద్యార్థులతో ముచ్చటించారు.
#Eenadu
కాంగ్రెస్‌ సీనియర్‌ నేత రాహుల్ గాంధీ చేపట్టిన ‘భారత్ జోడో యాత్ర’ ఈ ఉదయం రాజస్థాన్‌లోని బూందీ పట్టణానికి సమీపంలోని బల్‌దేవ్‌పుర గ్రామం నుంచి ప్రారంభమైంది. యాత్రలో భాగంగా ఆయన జోడెద్దుల బండిపై కాసేపు సవారి తీసి శ్రేణుల్లో ఉత్సాహం నింపారు.
Source:Eenadu
పవన్‌కల్యాణ్‌ కథానాయకుడిగా హరీశ్‌ శంకర్‌ దర్శకత్వంలో తెరకెక్కనున్న ‘ఉస్తాద్‌ భగత్‌సింగ్‌’ షూటింగ్‌ పూజా కార్యక్రమం ఇవాళ నిర్వహించారు. పలువురు సినీ ప్రముఖులు పాల్గొన్నారు.
Source:Eenadu
తిరుమ‌ల శ్రీ‌వారి ఆల‌యానికి ఎదురుగా ఉన్న బేడి ఆంజనేయస్వామికి ఆదివారం ప్రత్యేక అభిషేకం ఘ‌నంగా నిర్వహించారు. ఈ సందర్భంగా స్వామివారికి ఉదయం పాలు, పెరుగు, తేనె, కొబ్బ‌రి నీరు, గంధంతో తిరుమంజ‌నం నిర్వ‌హించి, సింధూరంతో విశేష అలంక‌ర‌ణ చేశారు.
Source:Eenadu
బాలకృష్ణ, శ్రుతిహాసన్‌ జంటగా గోపీచంద్‌ మలినేని దర్శకత్వంలో తెరకెక్కిన సినిమా ‘వీరసింహారెడ్డి’. జనవరి 12, 2023న సంక్రాంతి కానుకగా విడుదల కానుంది. సినిమాలోని సెకండ్‌ సింగిల్‌ ‘సుగుణ సుందరి’ పాటను డిసెంబర్‌ 15న విడుదల చేస్తున్నట్లు చిత్రబృందం తెలిపింది.
Source:Eenadu
హైదరాబాద్‌లోని టోలిచౌకిలో ఓ స్కిన్‌, హెయిర్‌, మల్టీస్పెషాలిటీ క్లినిక్‌కు సంబంధించిన నూతన బ్రాంచీని ప్రారంభించారు. కార్యక్రమంలో నటీమణులు రాశీ సింగ్, సౌమ్య జాను, డాలిశా పాల్గొని ఫొటోలకు పోజులిస్తూ సందడి చేశారు.
Source:Eenadu
నిఖిల్‌, అనుపమ పరమేశ్వరన్‌ జంటగా పల్నాటి సూర్యప్రతాప్‌ దర్శకత్వంలో తెరకెక్కిన సినిమా ‘18 పేజెస్‌’. ఈ చిత్రం డిసెంబర్‌ 23న విడుదల కానుంది. ఈ సందర్భంగా నిర్వహించిన ప్రెస్‌మీట్‌లో అనుపమ ఇలా ఫొటోలకు పోజులిస్తూ సందడి చేశారు.
Source:Eenadu
హిమాచల్‌ప్రదేశ్‌ ముఖ్యమంత్రిగా ప్రమాణస్వీకారం చేసేముందు సుఖ్వీందర్‌ సింగ్ సుక్కు తన తల్లి కాళ్ల మీదపడి ఆశీస్సులు తీసుకున్నారు.
Source:Eenadu
క్రికెటర్‌ విరాట్‌ కోహ్లీ, అనుష్క శర్మల వివాహ బంధానికి ఐదేళ్లు పూర్తయింది. ఈ సందర్భంగా కోహ్లీ ఇందుకు సంబంధించిన ఫొటోను తన ట్విటర్‌ ఖాతాలో పంచుకున్నారు. అనుష్క శర్మ జీవితంలోకి రావడం తన అదృష్టమని తెలుపుతూ కోహ్లీ పోస్టు పెట్టారు.
#Eenadu