చిత్రం చెప్పే విశేషాలు!
(17-12-2022/2)
చిరంజీవి, శ్రుతిహాసన్ జంటగా బాబీ(కె.ఎస్‌ రవీంద్ర) దర్శకత్వంలో తెరకెక్కిన సినిమా ‘వాల్తేరు వీరయ్య’. ఈ చిత్ర సెకండ్‌ సింగిల్‌ ‘శ్రీదేవి చిరంజీవి’ పాటను ఈ నెల 19న విడుదల చేయనున్నట్లు చిత్రబృందం తెలిపింది. ‘వాల్తేరు వీరయ్య’ జనవరి 13న సంక్రాంతి కానుకగా విడుదల కానుంది.
source:Eenadu
ఆదిలాబాద్ జిల్లా ఇంద్రవెల్లి మండలం కేశ్లాపూర్‌లో నూతనంగా నిర్మించిన నాగోబా ఆలయాన్ని మంత్రి ఇంద్రకరణ్‌రెడ్డి దర్శించుకొని ప్రత్యేక పూజలు చేశారు.
source:Eenadu
జర్మనీలోని ఫ్రాంక్‌ఫర్ట్‌ నగరాన్ని పొగమంచు కమ్మేసింది. ఉదయం వేళ నగరాన్ని ఎత్తులో నుంచి చూసినప్పుడు టీవీ టవర్‌ మొన మాత్రమే కనిపించింది.
source:Eenadu
ప్రముఖ సినీ రచయిత, రాజ్యసభ సభ్యుడు విజయేంద్రప్రసాద్‌ను బాలీవుడ్‌ నటుడు కపిల్‌శర్మ మర్యాదపూర్వకంగా కలిశారు. ఆయనో గొప్ప రచయిత అని, ఇలా కలవడం ఆనందాన్నిచ్చిందని తెలుపుతూ కపిల్‌శర్మ ట్విటర్‌లో పోస్టు పెట్టారు.
source:Eenadu
మియామి పర్యటనలో ఉన్న ప్రముఖ సినీనటుడు జూనియర్‌ ఎన్టీఆర్‌ తన సతీమణి లక్ష్మీప్రణతిని ప్రేమగా ఆలింగనం చేసుకుంటున్న ఫొటోను ఇన్‌స్టా ఖాతాలో పంచుకున్నారు.
source:Eenadu
సికింద్రాబాద్‌ చందానగర్‌లోని ఓ షాపింగ్‌మాల్‌ వద్ద క్రిస్మస్‌ ముందస్తు వేడుకలు నిర్వహిస్తున్నారు. కార్యక్రమంలో సినీనటి హిమజ పాల్గొని శాంటాక్లాజ్‌ బొమ్మ వద్ద ఫొటోలు దిగుతూ సందడి చేశారు.
source:Eenadu
దుండిగల్‌లోని ఎయిర్‌ఫోర్స్‌ అకాడమీలో శనివారం పాసింగ్‌ అవుట్‌ పరేడ్‌ నిర్వహించారు. ఈ సందర్భంగా యుద్ధ విమానాలు, హెలికాప్టర్లతో ఇచ్చిన విన్యాసాలు చూపరులను ఆకట్టుకున్నాయి.
source:Eenadu
విజయ్ దివస్‌ పురస్కరించుకొని నెక్లెస్ రోడ్డులో ‘రన్ ఫర్ సోల్జర్స్.. రన్ విత్ సోల్జర్స్’ కార్యక్రమం నిర్వహించారు. ఇందులో భాగంగా హైదరాబాద్‌ నగరవాసులు పరుగులు తీసి దేశభక్తిని చాటారు.
source:Eenadu
కరీంనగర్‌లోని అంబేడ్కర్‌ స్టేడియంలో ‘ఈనాడు’ ఆధ్వర్యంలో ఆటో ఎక్స్‌పో నిర్వహించారు. కార్యక్రమమానికి తరలివచ్చిన పలువురు ప్రదర్శను ఉంచిన వాహనాలను పరిశీలించడంతో పాటు నచ్చిన వాటిని కొనుగోలు చేశారు
source:Eenadu