వరుణ్‌తేజ్‌ ‘మట్కా’లో నోరా ఫతేహి ‘లే లే రాజా...’ అంటూ స్పెషల్‌ సాంగ్‌తో సందడి చేసింది. ఈ నవంబరు 14న సినిమా విడుదల కానుంది. ఈ సందర్భంగా నోరా గురించి కొన్ని విషయాలు...

బాలీవుడ్‌, టాలీవుడ్‌లో ఐటమ్‌ సాంగ్స్‌కు డ్యాన్స్ చేసిన నోరా.. కెనడా నటి. 

కేవలం రూ. 5000లతో భారతదేశంలో అడుగుపెట్టిన నోరా ఒక్కో మెట్టు ఎక్కి బాలీవుడ్‌లో నటిగా ప్రత్యేక గుర్తింపు తెచ్చుకుంది.

2014లో వచ్చిన ‘రోర్‌: టైగర్స్‌ ఆఫ్‌ ది సుందర్‌బన్స్‌’తో బాలీవుడ్‌లో కనిపించింది నోరా...

పదికి పైగా మ్యూజిక్‌ ఆల్బమ్స్‌లో ఆడిపాడిన నోరా, ‘దిల్బర్‌’సాంగ్‌లో తన డ్యాన్స్‌తో ఉర్రూతలూగించింది.

ఇప్పటి వరకు తెలుగులో ప్రత్యేక పాటల్లో మాత్రమే కనిపించిన నోరా. మొదటి సారి ‘మట్కా’లో నటిగానూ మెప్పించనుంది. 

మోడల్‌, డ్యాన్సర్‌, సింగర్‌గానే కాదు నిర్మాతగానూ మారి మల్టీ టాలెంటెడ్‌ అని నిరూపించుకుంది.

ప్రతి స్త్రీకి ఆర్థిక స్వాతంత్ర్యం ఉండాలి అందుకే నేను 16 ఏళ్ల వయసు నుంచే సంపాదించడం మొదలుపెట్టా. తొలినాళ్లలో కెనడాలో రెస్టరంట్‌లో వెయిట్రెస్‌గానూ చేశా- నోరా ఫతేహి 

డ్యాన్స్ చేయడమే కాదు..గరిటె పడితే రుచికరంగా వండి వడ్డించగలదు.

‘మోడ్రన్‌ దుస్తులు ధరించి నటించడం ఎంత ఇష్టమో.. యాప్రాన్‌ కట్టుకుని స్నేహితులకు, బంధువులకు వండిపెట్టడమూ అంతే ఇష్టం’అంటోంది. 

‘మన టాలెంట్‌ను మనమే ప్రపంచానికి చూపించాలి. పరిచయాలు పెంచుకోవాలి. కొత్త విషయాలు తెలుసుకోవాలి. మన కెరీర్ మన చేతుల్లోనే ఉంటుంది’. అని తన కెరీర్‌ సీక్రెట్‌ చెప్పింది.

మధ్యతరగతి కుటుంబం నుంచి వచ్చిన నోరాకి డ్యాన్స్‌ అంటే ఎంతో ఇష్టం.. ప్రపంచ వ్యాప్తంగా పలు ప్రదర్శనలు ఇస్తూ ఆకట్టుకుంటుంది.