కొంతమంది స్వదేశాన్ని వదిలి.. విదేశాల్లో స్థిరపడాలని భావిస్తుంటారు. అదేమంత సులభం కాదు. ఇందుకోసం ఏడాది ముందు నుంచే పక్కా ప్రణాళిక వేసుకోవాలి. అదెలాగంటే..

Image: Pixabay

మీ విద్యార్హతలను బట్టి స్వదేశం నుంచే విదేశాల్లో ఉద్యోగం వెతుక్కోవాలి. మీకు నచ్చిన ప్రాంతంలో.. మీకు తగిన ఉద్యోగం లభిస్తే వెళ్లడానికి సిద్ధపడొచ్చు. 

Image: Pixabay

ఒకవేళ విదేశానికి వెళ్లిన తర్వాత ఉద్యోగం వెతుక్కోవాలి అనుకుంటే.. కనీసం 6 నెలల ఖర్చుకు సరిపడా డబ్బులు దగ్గర పెట్టుకోవాలి.

Image: Pixabay

మీరు వెళ్లే ప్రాంతంలో మౌలిక సదుపాయాలు, కాస్ట్‌ ఆఫ్ లివింగ్‌పై అవగాహన ఉండాలి. ఇందుకోసం నమ్మదగిన బ్లాగ్స్‌, ఫోరమ్స్‌ చదవాలి.

Image: Pixabay

మీరు ఆరోగ్యంగా ఉన్నారో లేదో పరీక్షలు చేయించుకొని మెడికల్‌ సర్టిఫికెట్‌ తీసుకోవాలి. దీనివల్ల భవిష్యత్తులో ఇన్సూరెన్స్‌ ఇబ్బందులు తలెత్తవు.

Image: Pixabay

ప్రస్తుతం స్వదేశంలో మీకున్న స్థిరచరాస్తులను విక్రయించి నగదు రూపంలోకి మార్చుకోవాలి. ఆ మొత్తాన్ని ఒకే అకౌంట్లో కాకుండా రెండు అకౌంట్లలో జమ చేసుకోవడం ఉత్తమం. 

Image: Pixabay

బ్యాంకు అధికారులతో మాట్లాడి విదేశాల్లోనూ పనిచేసేవిధంగా డెబిట్‌/క్రెడిట్‌ కార్డు తీసుకోవాలి.

Image: Pixabay

ఇక్కడి కాంట్రాక్ట్స్‌, ఇన్సూరెన్స్‌, ఇంటర్నెట్‌ కనెక్షన్‌, ఇతర సబ్‌స్క్రిప్షన్స్‌ను సంబంధిత అధికారులతో మాట్లాడి క్లోజ్‌ చేయాలి.

Image: Pixabay

ఏయే వస్తువుల్ని తీసుకెళ్లాలో ఓ జాబితా రూపొందించుకొని దాని ప్రకారం లగేజ్‌ సర్దుకోవాలి. అనవసరమైన వాటితో లగేజ్‌ బరువు పెంచితే.. ఎయిర్‌పోర్టులో అదనపు ఛార్జ్‌ వసూలు చేస్తారు. 

Image: Pixabay

ఇంట్లో ఫర్నిచర్‌ను వీలైనంత వరకు ఇక్కడే విక్రయించడం మంచిది. తీసుకెళ్లాలనుకుంటే దానికి పెద్దమొత్తంలోనే డబ్బు ఖర్చు అవుతుంది.

Image: Pixabay

మీకు సంబంధించిన ముఖ్యమైన పత్రాలను ఒక చోట భద్రపర్చండి. అలాగే.. వాటిని డిజిటల్‌ రూపంలోకి మార్చుకొని స్టోర్‌ చేయడం మర్చిపోవద్దు.

Image: Pixabay

ఫ్లైట్‌ టికెట్స్‌ ఎంత ముందుగా బుక్‌ చేసుకుంటే ధర అంత తక్కువగా ఉంటుంది. కాబట్టి.. ముందుగానే టికెట్స్‌ బుక్‌ చేసుకోండి. 

Image: Pixabay

విదేశంలో ఒక ఏడాది కాలానికి ట్రావెల్‌ ఇన్సూరెన్స్‌ తీసుకోవడం మంచిది. ఏదైనా జరిగితే ఆర్థిక భారం మీదపడకుండా ఉంటుంది.

Image: Pixabay

మీరు బయలుదేరే ముందు మీ బంధువులకు, బ్యాంక్‌కు, స్థానిక పోలీసులకు సమాచారం ఇవ్వండి.

Image: Pixabay