జుట్టుకు రంగేస్తున్నారా?

వెంట్రుకలు తెల్ల బడుతున్నాయని కొందరు, ఫ్యాషన్‌ పేరుతో మరికొందరు జుట్టుకు రంగులు అద్దుతుంటారు. కానీ, దీనివల్ల కొన్ని అనర్థాలున్నాయి. అందుకే తగిన జాగ్రత్తలు తీసుకోవాలి. Image: RKC

తెల్ల జుట్టుకు రంగు వేసుకోవడంతో వయసు తగ్గినట్టు కనిపించడం నిజమే కానీ.. నాణ్యమైన హెయిర్‌ డైని ఎంచుకోవాలి. లేదంటే ఇబ్బందులొస్తాయి. Image: RKC

కొన్ని హెయిర్‌ డైల వల్ల చర్మ సమస్యలు వచ్చే అవకాశముంది. కాబట్టి.. ముందుగా చర్మ వైద్యుల సలహా తీసుకోవడం మంచిది. Image: RKC

తొలిసారిగా జుట్టుకు రంగు వేసుకునే వారు చెవి వెనకభాగంతో కాస్తంత రంగు వేయాలి. రెండు రోజులు ఆగిన తర్వాత ఎలాంటి దురద, దద్దుర్లు లేకపోతే ఆ రంగు జుట్టుకు వేసుకోవచ్చు. Image: RKC

రంగు వేసుకునే సమయంలో చేతులకు తొడుగులు వేసుకొవాలి. కళ్లలో పడకుండా జాగ్రత్తలు తీసుకోవాలి. Image: RKC

చాలా మంది ముందు జుట్టుకు రంగేసుకొని తల స్నానం చేస్తారు. నిజానికి, తలస్నానం చేసిన తర్వాత రంగు వేసుకొని శుభ్రం చేసుకుంటే మన్నికగా ఉంటుంది. Image: RKC

రసాయనాలతో తయారు చేసిన జుట్టు రంగులను కాకుండా హెర్బల్‌ ఉత్పత్తులను ఎంచుకోవడం మంచిది. వీటితో పెద్దగా ఇబ్బందులు రావు. Image: RKC

మహిళలు హెన్నాలాంటి వాటిని వాడటంతో జుట్టును కాపాడుకోవచ్చు. అవి పడకపోతే మాత్రం జుట్టు బాగా రాలిపోతుంది. Image: RKC

సాధ్యమయినంత వరకు చర్మానికి అంటుకోకుండా ఉండే రంగులను తీసుకోవాలి. ఇటీవల షాంపూ లాంటి హెయిర్‌డైలు కూడా అందుబాటులోకి వచ్చాయి. Image: RKC

కంటి జబ్బులున్నవారు, చర్మ సంబంధ వ్యాధులతో బాధ పడుతున్న వారు రంగులు వాడకపోతేనే మంచిది. Image: RKC

యువత వివిధ రంగుల్ని ఒకేసారి వేసుకుంటారు. ఇది మంచిది కాదు.. జుట్టు తొందరగా ఊడిపోతుంది. బట్టతల వచ్చే అవకాశం ఉంటుందని నిపుణులు హెచ్చరిస్తున్నారు. Image: RKC

రాష్ట్రానికో ఫేమస్‌ రైస్‌ డిష్‌! ప్రపంచంలోని టాప్‌-10 ప్రశాంతమైన దేశాలివే! ప్రపంచంలోనే ఎక్కువ సమయం పట్టే విమాన ప్రయాణాలు Eenadu.net Home