ఏడాదికిపైగా తెలుగు ప్రేక్షకులకు దూరంగా ఉంటోంది.. నటి రకుల్‌ ప్రీత్‌ సింగ్‌. బాలీవుడ్‌లో వరుస సినిమాలో బిజీగా ఉండటం ఓ కారణం కావొచ్చు.

Image: Instagram/rakulpreet 

రకుల్‌ నటించిన మరో హిందీ చిత్రం ‘ఛత్రివాలి’ తాజాగా విడుదలైంది. ఇప్పటి వరకు ఎవరూ పెద్దగా టచ్‌ చేయని అంశాన్ని తెరపైకి తీసుకొచ్చే ప్రయత్నం చేసింది చిత్రబృందం.

Image: Instagram/rakulpreet 

ఇందులో ఈ భామ.. ‘సెక్స్‌ ఎడ్యుకేషన్‌’ ఆవశ్యకతను టీనేజర్స్‌కి చెప్పే అమ్మాయిగా కనిపిస్తుంది. 

Image: Instagram/rakulpreet 

పాఠ్యాంశంలో ‘ప్రత్యుత్పత్తి వ్యవస్థ’అనేది విద్యార్థులకు ఆప్షన్‌ కాదు.. తప్పనిసరి అని సందేశం ఇవ్వనుంది. 

Image: Instagram/rakulpreet 

‘‘మనం శారీరక, మానసిక ఆరోగ్యం గురించి మాట్లాడుకుంటున్నప్పుడు ‘లైంగిక ఆరోగ్యం’ గురించి ఎందుకు మాట్లాడుకోకూడదు? అందుకే, ఈ సబ్జెక్టు నచ్చి ఇందులో నటించా’’నని రకుల్‌ ఓ ఇంటర్వ్యూలో చెప్పుకొచ్చింది.

Image: Instagram/rakulpreet 

తేజస్‌ డియోస్కర్‌ దర్శకత్వం వహించిన ఈ చిత్రంలో సుమీత్‌ వ్యాస్‌కు జోడిగా రకుల్‌ కనిపించనుంది. ఓటీటీ జీ5 వేదికగా జనవరి 20న ఈ సినిమా విడుదలైంది.

Image: Instagram/rakulpreet 

గతేడాది బాలీవుడ్‌లో ఈ భామ.. నటించిన 5 సినిమాలు విడుదలయ్యాయి. ఇప్పుడు రకుల్‌ చేతిలో 4 ప్రాజెక్టులున్నాయి. 

Image: Instagram/rakulpreet 

‘మేరీ పత్ని కా రీమేక్‌’ అనే బాలీవుడ్‌ చిత్రంతోపాటు.. ‘అయలాన్‌’, ‘ఇండియన్‌ 2’, ‘థర్టీ ఫస్ట్‌ అక్టోబర్‌ లేడీస్‌ నైట్‌’ తమిళ చిత్రాల్లో నటిస్తోంది. 

Image: Instagram/rakulpreet 

రకుల్‌ టాలీవుడ్‌లో చివరగా ‘కొండపొలం’లో నటించింది. క్రిష్‌ తెరకెక్కించిన ఆ చిత్రంలో వైష్ణవ్‌ తేజ్‌ కథానాయకుడు.

Image: Instagram/rakulpreet 

‘తెలుగు అభిమానులను ఎప్పటికీ ప్రేమిస్తూనే ఉంటా.. త్వరలోనే టాలీవుడ్‌ చిత్రాల్లో నటిస్తా’నని గతంలో వెల్లడించింది.

Image: Instagram/rakulpreet 

బాలీవుడ్‌ నటుడు, నిర్మాత జాకీ భగ్నానీతో రకుల్‌ప్రీత్‌ ప్రేమలో ఉన్న విషయం తెలిసిందే. ‘క్రిస్మస్‌ రోజున శాంటా నాకిచ్చిన ఉత్తమమైన బహుమతి నువ్వు’ అంటూ.. జాకీకి పుట్టిన రోజు శుభాకాంక్షలు తెలుపుతూ పోస్టు చేసింది రకుల్‌.

Image: Instagram/rakulpreet