విజయ్‌కి జోడీగా రుక్మిణి రానుందా?
కన్నడ ‘సప్తసాగరాలు సైడ్‌ ఎ, బి’లో నటించి బాగా పాపులర్‌ అయ్యింది రుక్మిణి వసంత్‌. ఆ తర్వాత వరుస అవకాశాలతో దూసుకెళ్తోంది.
ప్రస్తుతం తెలుగులో విజయ్‌ దేవరకొండ - రవికిరణ్‌ కాంబోలో వస్తోన్న ఓ సినిమాలో రుక్మిణి నాయికగా చేయనుందని వార్తలు వినిపిస్తున్నాయి.
గ్రామీణ నేపథ్యంలో రానున్న ఈ చిత్రానికి టైటిల్‌ ఖరారు చేయలేదు. రుక్మిణి ఇందులో కనిపించనుందన్న వార్తలు నిజమైతే ఇదే ఆమె తొలి తెలుగు చిత్రం అవుతుంది.
ఈ బ్యూటీ బెంగళూరులో పుట్టి పెరిగింది. తండ్రి వసంత్‌ వేణుగోపాల్‌ మిలటరీ ఆఫీసర్‌. పాకిస్థాన్‌ ఉగ్రవాదులపై పోరాడుతూ అమరులయ్యారు.
తండ్రి ఆర్మీ ఆఫీసర్‌ కావడంతో.. ఆర్మీ స్కూల్‌లోనే చదువుకుంది. లండన్‌లో రాయల్‌ అకాడమీ ఆఫ్‌ డ్రమాటిక్‌ ఆర్ట్స్‌ నందు డిగ్రీ పూర్తి చేసింది. చిన్నప్పటి నుంచే నటన అంటే ఆసక్తి.
తల్లి సుభాషిణి వసంత్‌. ఈమె కర్ణాటకలో భరతనాట్యం స్కూలు నడుపుతున్నారు. దీని ద్వారా భర్తను పోగొట్టుకున్న మహిళలకు అండగా నిలుస్తున్నారు.
రుక్మిణి 2019లో ‘బీర్బల్‌ ట్రైయాలజీ’ అనే కన్నడ సినిమాతో చిత్ర పరిశ్రమలోకి ఎంట్రీ ఇచ్చింది. ‘అప్‌స్టార్స్‌’తో బాలీవుడ్‌లోకి అడుగుపెట్టింది.
కన్నడలో ‘బఘీరా’, ‘భైరాతి రనగల్‌’, తమిళంలో ‘ఏస్‌’, ‘ఎస్‌ కె 23’ (శివకార్తీకేయన్‌ 23)లోనూ నటిస్తూ బిజీ బిజీగా ఉంది.
This browser does not support the video element.
‘న్యూస్‌ పేపర్‌లోని ఓ యాడ్‌లో నన్ను చూసి ‘సప్త సాగరాలు..’ బృందం సంప్రదించింది. ఆ తర్వాత ఆడిషన్స్‌ నిర్వహించారు. అలా ఈ చిత్రంలో అవకాశం దక్కింది. ఇందులో పాత్ర నా కెరీర్‌ను మలుపు తిప్పింది’ అని అంటోందీ బ్యూటీ.
‘చీరకట్టు ఓ ఎమోషన్‌. కోపం, బాధ, సంతోషం ఇలా ఏ ఎమోషన్‌లో ఉన్నా చీర కట్టుకుంటాను’ అని అంటోంది. సోషల్‌ మీడియాలో యాక్టివ్‌గా ఉండే రుక్మిణి ఇన్‌స్టా ఖాతాకి 6లక్షలకు పైగా ఫాలోవర్లున్నారు.
స్విమ్మింగ్‌, స్కేటింగ్‌, వాటర్‌ స్కీయింగ్‌ చేయడం రుక్మిణి హాబీలు. ఇవే తనను ఫిట్‌గా ఉంచేందుకు తోడ్పడతాయంటోంది.
This browser does not support the video element.
ఈమెకి ఫొటోషూట్లలో పాల్గొనడం అంటే మహా ఇష్టం. అందులోనూ ప్రకృతిలో ఫొటోలు తీసుకోవడం ఇంకా నచ్చుతుంది. ఆమె ఇన్‌స్టాలో అలాంటి ఫొటోలే కనిపిస్తాయి మరి!