గెలాక్సీ ఎస్‌25 సిరీస్‌లో ప్రీమియం 5జీ-ఏఐ స్మార్ట్‌ఫోన్లను శాంసంగ్‌ లాంచ్‌ చేసింది. ‘గెలాక్సీ అన్‌ప్యాక్డ్‌ ఈవెంట్‌ 2025’లో వీటిని తీసుకొచ్చింది. 

ఎస్‌25, ఎస్‌ 25+, ఎస్‌25 అల్ట్రా మోడళ్లు ఉన్నాయి. ఆండ్రాయిడ్‌ 15 ఆధారిత వన్‌ యూఐ 7తో పనిచేస్తాయి. స్నాప్‌డ్రాగన్‌ 8 ఎలైట్ చిప్‌ ఉంటుంది. 

గెలాక్సీ ఎస్‌ 25 అల్ట్రాలో 6.9 అంగుళాల డైనమిక్‌ అమోలెడ్‌ 2ఎక్స్‌ డిస్‌ప్లే, 5000mAh బ్యాటరీ ఉంటాయి. ఏడేళ్లపాటు సెక్యూరిటీ అప్‌డేట్లు ఇస్తారు. 

12 జీబీ ర్యామ్‌తో తీసుకొచ్చిన గెలాక్సీ ఎస్‌ 25 అల్ట్రా 256 జీబీ, 512 జీబీ, 1టీబీ వేరియంట్లలో లభిస్తుంది. ధర రూ.1,29,999 నుంచి ప్రారంభం. 

గెలాక్సీ ఎస్‌ 25లో 6.2 అంగుళాల ఫుల్‌ హెచ్‌డీ డైనమిక్‌ అమోలోడ్‌ డిస్‌ప్లే, 4000mAh బ్యాటరీ ఉంటాయి. 25Wకు సపోర్ట్‌ చేస్తుంది. 

గెలాక్సీ ఎస్‌ 25.. 12జీబీ +128జీబీ, 12జీబీ +256జీబీ, 12జీబీ+ 512జీబీ వేరియంట్లలో లభిస్తుంది. ధర రూ.80,999 నుంచి ప్రారంభం.

గెలాక్సీ ఎస్‌ 25 ప్లస్‌లో 6.7 అంగుళాల డిస్‌ప్లే, 4,900mAh బ్యాటరీ ఉంటాయి. ఐస్‌బ్లూ, మింట్‌, సిల్వర్‌ షాడో రంగుల్లో లభిస్తాయి.

గెలాక్సీ ఎస్‌ 25 ప్లస్‌ 12జీబీ ర్యామ్‌తో 256జీబీ, 512జీబీ ఇంటర్నల్‌ మెమొరీ వేరియంట్లలో అందుబాటులో ఉంటుంది. ధర రూ.99,999 నుంచి ప్రారంభం. 

అడ్వాన్స్‌డ్‌ గెలాక్సీ ఏఐ ఫీచర్లు వీటిలో ఉన్నాయి. ప్రీ ఆర్డర్‌ బుకింగ్‌లు మొదలయ్యాయి. యూఎస్‌ మార్కెట్లో ఫిబ్రవరి 7 నుంచి ఫోన్లు అందుబాటులో ఉంటాయి.

ఎస్‌25, ఎస్‌25+ రెండింటికీ వైర్‌లెస్‌ ఛార్జింగ్‌ సదుపాయం ఉంది. అధునాతన గూగుల్‌ జెమినీ ఏఐ ఫీచర్‌ వినియోగించుకోవచ్చు. కాల్‌ రికార్డింగ్, ట్రాన్స్‌క్రిప్షన్‌ ఒకే సమయంలో జరుగుతుంది.