#eenadu

ఈరోజు గూగుల్‌ డూడుల్‌ చూశారా? ప్రకృతిని తలపిస్తున్నట్లుగా ఈ అక్షరాలను క్రియేట్ చేయడానికి గల కారణం ఏంటంటే.. నేడు ధరిత్రి దినోత్సవం. ఈ సందర్భంగా గూగుల్‌ క్రియేట్ చేసిన ఈ డూడుల్‌ అందరినీ ఆకర్షిస్తోంది. 

‘G O O G L E’ అక్షరాలను సరిగ్గా గమనిస్తే ఇందులో వివిధ ప్రాంతాలు ఉన్నాయి. ఆ ప్రదేశాలు భూమిపైన ఉన్నవే.. వాటిని పరిరక్షించేందుకు వివిధ సంస్థలు, స్థానికులు కలిసి చేస్తున్న కృషిని గుర్తిస్తూ గూగుల్‌ ఈ ప్రత్యేక డూడుల్‌ను రూపొందించింది. 

G

ఇంగ్లీషులో ‘జీ’ని పోలి ఉన్న మొదటి ఫొటోలోని ప్రదేశం టర్క్స్‌ అండ్‌ కైకోస్‌ దీవులు. అట్లాంటిక్‌ మహాసముద్రంలోని ఈ ప్రాంతం అంతరించిపోతున్న అనేక జీవులకు రక్షణగా,జీవ వైవిధ్యానికి కేంద్రంగా నిలుస్తోంది. 

O

మెక్సికోలోని స్కార్పియన్‌ రీఫ్‌ నేషనల్‌ పార్క్‌. యునెస్కో గుర్తింపు పొందిన ఈ జీవావరణ ప్రాంతం పగడపు దిబ్బలకు ప్రసిద్ధి చెందింది. అంతరించిపోతున్న అనేక పక్షులు, తాబేళ్లు ఇక్కడ కనిపిస్తాయి.

O

ఐస్‌లాండ్‌లోని వట్నాజోకుల్ నేషనల్ పార్క్‌కు సంబంధించిన ఫొటో ఇది. యునెస్కో వరల్డ్‌ హెరిటేజ్‌ సైట్‌గా గుర్తింపు పొందింది.. అగ్నిపర్వతాలు, మంచుతో కూడిన అరుదైన ప్రకృతి దృశ్యాలు, వృక్షజాలానికి నెలవు.

g

ఇది బ్రెజిల్‌లోని జౌ నేషనల్‌ పార్క్‌. అమెజాన్‌ అడవుల మధ్యలోని ఈ ప్రాంతం అనేక అరుదైన జంతువులకు నివాసం. చూసేందుకు కూడా ఆకుపచ్చగా ఎంతో ఆహ్లాదంగా ఉంది కదూ!

l

‘ఎల్‌’ను సూచిస్తున్న ఈ ప్రాంతం నైజీరియాలోని గ్రేట్‌ గ్రీన్‌వాల్‌. ఎడారిగా మారి ఈ ప్రాంతం కోల్పోయిన వైభవాన్ని మొక్కలు నాటడం ద్వారా పునరుద్ధరిస్తున్నారు. ఇది స్థానిక ప్రజలకు ఉపాధి కల్పిస్తోంది.

e

ఆస్ట్రేలియాలోని పిల్బరా ఐలాండ్స్‌ నేచర్‌ రిజర్వ్స్‌కు చెందిన ఫొటో ‘ఈ’ అక్షరాన్ని పోలి ఉంది. ఇక్కడ అనేక సముద్ర తాబేళ్లు, పక్షులు సహా పలు అరుదైన జీవజాతులు సంచరిస్తాయి.

నలుపు ఛాయలా ఇవి ట్రై చేయండి..!

పెదవులు పొడిబారకుండా..ఇవి ట్రై చేయండి

తెలివితేటలకు కొలమానాలేంటో తెలుసా?

Eenadu.net Home