పూరీ జగన్నాథ్‌ దర్శకత్వంలో విజయ్‌ దేవరకొండ నటించిన పాన్‌ ఇండియా చిత్రం ‘లైగర్‌’. ఇందులో విజయ్‌ మిక్స్‌డ్‌ మార్షల్‌ ఆర్ట్స్‌ ఫైటర్‌గా కనిపించాడు. గతంలో పలువురు హీరోలు కూడా రింగులోకి దిగారు. వారెవరంటే..

Image: Social media

పవన్‌ కల్యాణ్‌

‘తమ్ముడు’లో పవన్‌ కల్యాణ్‌ బాక్సర్‌గా నటించారు. అన్న లక్ష్యాన్ని నెరవేర్చడం కోసం బాక్సింగ్‌ నేర్చుకునే కుర్రాడి పాత్ర అది. 1999లో విడుదలైన ఈ చిత్రం మంచి హిట్‌ సాధించింది.

Image: Social media

ఆ తర్వాత 2003లో స్వీయదర్శకత్వంలో వచ్చిన ‘జానీ’లో పవన్‌ ‘మిక్స్‌డ్‌ మార్షల్‌ ఆర్ట్స్‌’ ఫైటర్‌గా కనిపించారు. కానీ, ఆ చిత్రం ప్రేక్షకుల్ని మెప్పించలేకపోయింది.

Image: Social media

రవితేజ

రవితేజ.. పూరీ జగన్నాథ్‌ క్రేజీ కాంబినేషన్‌లో వచ్చిన హ్యాట్రిక్‌ మూవీ.. ‘అమ్మ నాన్న ఓ తమిళ అమ్మాయి’. 2003లో విడుదలై బ్లాక్‌బాస్టర్‌ హిట్‌ అందుకుంది.

Image: Social media

నవదీప్‌

ఓ కాలేజీ కుర్రాడు దేశం కోసం బాక్సింగ్‌ నేర్చుకొని పాకిస్థాన్‌ బాక్సర్‌పై విజయం సాధిస్తాడు. అదే ‘జై’ సినిమా కథ. దర్శకుడు తేజ తెరకెక్కించిన ఈ చిత్రంతోనే హీరో నవదీప్‌ వెండితెరకు పరిచయమయ్యాడు. 2004లో విడుదలైన ఈ చిత్రం సూపర్‌ హిట్‌గా నిలిచింది.

Image: Social media

విక్రమ్‌

విక్రమ్‌, శ్రీవిద్య జంటగా నటించిన ‘మనసారా’ భారతీయ మార్షల్‌ ఆర్ట్స్‌ ‘కళరిపయట్టు’ నేపథ్యంలో తెరకెక్కింది. ఇది కేరళలో అతి ప్రాచీనమైన యుద్ధ కళ. 2010లో వచ్చిన ఈ చిత్రానికి దర్శకుడు రవిబాబు.

Image: Social media

నారా రోహిత్‌

నారా రోహిత్‌ నటించిన ‘తుంటరి’ కూడా బాక్సింగ్‌ నేపథ్యంలో వచ్చిందే. ఆవారాగా తిరిగే హీరో బాక్సర్‌గా ఎందుకు మారాడనేది కథ. లతా హెగ్డే హీరోయిన్‌. 2016లో విడుదలైన ఈ చిత్రానికి కుమార్‌ నాగేంద్ర దర్శకుడు.

Image: Social media

వెంకటేశ్‌

దర్శకురాలు సుధ కొంగర 2017లో తెరకెక్కించిన ‘గురు’ చిత్రంలో విక్టరీ వెంకటేశ్‌ రింగులోకి దిగకపోయినా బాక్సింగ్‌ కోచ్‌గా కనిపిస్తారు. ఓ కూరగాయలు అమ్మే యువతిని ఏ విధంగా బాక్సర్‌గా తీర్చిదిద్దారనేదే ఈ సినిమా కథ.

Image: Social media

వరుణ్‌ తేజ్‌

ఇటీవల విడుదలైన ‘గని’లో వరుణ్‌ తేజ్‌ బాక్సర్‌గా కనిపించాడు. కిరణ్‌ కొర్రపాటి దర్శకత్వం వహించిన ఈ చిత్రం ప్రేక్షకుల్ని ఆకట్టుకోలేకపోయింది. ఇందులో సాయీ మంజ్రేకర్‌ కథానాయిక. సునీల్‌ శెట్టి, ఉపేంద్ర, నవీన్‌చంద్ర కీలక పాత్రలు పోషించారు.

Image: Social media