టమాట లేకపోతేనేం.. ఇవి ఉన్నాయిగా..

టమాటా లేకపోతేనేం.. ఇవి ఉన్నాయిగా..

పెరిగిన టమాటా ధరలతో సామాన్యుల కష్టాలు అన్నీ ఇన్నీ కావు. ఏ కూర వండినా అందులోకి టమాటా ఉండాల్సిందే. కానీ దీని ధర కొండెక్కి కూర్చుంది. దీనికి ప్రత్యామ్నాయంగా ఏం వాడుకోవచ్చో చూద్దాం రండి.. image: unsplash

ఏదైనా కూరలో టమాటాని పులుపు కోసమే వాడితే దానికి బదులుగా చింతపండునో, నిమ్మకాయనో వాడొచ్చు. చింతపులుసు వేస్తే కూరలో గ్రేవీ కూడా ఉంటుంది. image: rkc

ఉసిరికాయ పొడి, ఆమ్‌చూర్‌ పొడి కూడా కూరకి పులుపుతో పాటు రుచిని అందిస్తాయి. వీటిలో పోషకాలు కూడా మెండుగా ఉంటాయి. image: unsplash

కొద్దిగా నూనెలో ఉల్లిపాయ ముక్కల్ని ఫ్రై చేసి నేరుగా లేదా పేస్టుగా చేసి ఉపయోగిస్తే కూరకి రుచి, చిక్కదనం వస్తుంది. కానీ ఇవి మరీ ఎక్కువైతే కూర ఘాటుగా ఉంటుంది. image: unsplash

టమాటాకి బదులుగా రసం, సాంబార్‌లో పచ్చిమామిడికాయని ఉపయోగించి చూడండి. రుచి చాలా బాగుంటుంది. image: unsplash

స్నాక్స్‌, సలాడ్స్‌లో టమాటాని ఎక్కువగా ఉపయోగిస్తాం. దాని బదులుగా ఆ రుచి ఏ మాత్రం మారకూడదు అంటే టమాటా కెచెప్‌ లేదా సాస్‌ని ఉపయోగించొచ్చు. image: unsplash

పెరుగు.. ఇది రుచిలో టమాటా లాగా పుల్లగా, కొద్దిగా తియ్యగానూ ఉంటుంది. అలాగే గ్రేవీ కూడా చిక్కబడుతుంది. కాబట్టి పెరుగుని బిర్యానీ, మాంసం కూరల్లో ఉపయోగిస్తే కూరలకు కమ్మటి రుచి వస్తుంది. image: unsplash

టమాటా లేకుండా కూర వండాలంటే గుమ్మడికాయ మంచి ఎంపిక. దీని రుచి కొంచెం తియ్యగా ఉంటుంది. టమాటా లేని లోటును ఇది తీరుస్తుంది. image: unsplash

సొరకాయకు కొద్దిగా చింతపండు జోడించి మిక్సీ పట్టి దాన్ని కూరల్లో కలుపుకోవచ్చు. ఇది కూరని చిక్కగా చేయటమే కాకుండా గ్రేవీకి మంచి రుచినిస్తుంది. image: rkc

దంపతుల గురించి సుధామూర్తి చెప్పిన సంగతులు.. సాయంత్రం నీరసం దరిచేరకుండా ఇలా చేసి చూడండి పిల్లలు యాక్టివ్‌గా ఉండాలంటే ఏం చేయాలి? Eenadu.net Home