2024లో ఎంట్రీ లెవల్‌ మొదలుకొని ప్రీమియం వరకు వివిధ కంపెనీలు అనేక రకాల స్మార్ట్‌ఫోన్లను తీసుకొచ్చాయి.

వీటిలో కొన్ని ఫోన్లు అత్యాధునిక ఫీచర్లతో ఆకట్టుకున్నాయి. యూజర్ల అభిమానాన్ని చూరగొన్నాయి.

ఆగస్టులోనూ మరికొన్ని ఫోన్లు మార్కెట్‌ను పలకరించనున్నాయి. గూగుల్‌, వివో, మోటోరొలా కంపెనీలు ఈ క్యూలో ఉన్నాయి. ఆ వివరాలు ఇవీ..

టెక్‌ ప్రియులు ఆసక్తిగా ఎదురుచూస్తున్న ఫోన్‌ ఏదైనా ఉందీ అంటే అది గూగుల్‌ పిక్సెల్‌ 9 సిరీస్‌. ఆగస్టు 14న మార్కెట్‌లోకి ఈ ఫోన్లు అడుగుపెట్టనున్నాయి.

పిక్సెల్‌ 9 ప్రో, పిక్సెల్‌ 9 ప్రో ఎక్స్‌ఎల్‌, పిక్సెల్‌ 9 ప్రో ఫోల్డ్‌ పేరుతో మూడు ఫోన్లు రానున్నాయి. ఇప్పటికే గూగుల్‌ ఈ ఫోన్లను టీజ్‌ చేస్తూ వీడియోలను రిలీజ్‌ చేసింది.

మోటోరొలా ఈ ఏడాది ఎడ్జ్‌, జి సిరీస్‌లో చాలా మోడళ్లనే తీసుకొచ్చింది. ఇప్పుడు ఎడ్జ్‌ 50 పేరుతో మరో ఫోన్‌ను ఆగస్టు 1న లాంచ్‌ చేయనుంది.

వివో నుంచి ఆగస్టులో రెండు ఫోన్లు రాబోతున్నాయి. వివో వీ40, వీ40 ప్రోను ఆగస్టు 7న ఆ కంపెనీ తీసుకురానుంది.

కుర్రకారును ఇటీవల బాగా ఆకట్టుకుంటున్న ఫోన్లలో ఐకూ ఒకటి. ఇప్పుడు ఆ కంపెనీ జడ్‌9ఎస్‌ పేరిట వచ్చే నెల 4న మరో ఫోన్‌ను లాంచ్‌ చేయనుంది.

జులై 31న నథింగ్‌ కంపెనీ తన 2ఏ ప్లస్‌ ఫోన్‌ను లాంచ్‌ చేయనుంది. ఆగస్టులోనే ఈ ఫోన్‌ సేల్‌కు రానుంది.